Taliwala sa mga bayolenteng nagpanghitabo ug kriminalidad sa probinsya, gipanghinaot ni Gov. Rolando Yebes nga mamahimong matinud-anon, hapsay ug malinawon ang piniliay karong umaabot Mayo 13.

Dako ang pagpasalamat ni Gov. Rolando Yebes sa mga membro sa Sangguniang Panlalawigan pinaagi ni Vice-Gov. Francis Olvis kinsa kaabag sa gobernador sa pagpatuman sa mga programa sa kagamhanang probinsyal sulod sa siyam ka tuig ug sa iyang katapusang termino.

Aron mahatagan ug kahigayonan ang mga ZaNortehanon nga makabaton ug trabaho, ang kagamhanang probinsyal ilawom sa administrasyon ni Gov. Rolando Yebes subling mupahigayon ug duha ka adlaw nga Local & Overseas Jobs Fair 2013 karong umaabot Abril 25-26, pinaagi sa Public Employment Service Office (PESO).

Gawas sa mga social services sama sa programa sa maayong panglawas ug uban pa, napahimuslan usab sa katawhan sa Brgy. Barra ning dakbayan sa Dipolog ang proyektong infrastraktura gikan sa kagamhanang probinsyal ilawom sa pagdumala ni Gov. Rolando Yebes.

Sa tuyo nga makabaton ug kahibalo ug kasayuran kalabot na sa issuance sa Industrial Sand & Gravel Permit,  mipasar ug resolusyon ang Sangguniang Panlalawigan nga naghangyo sa Mines & Geo-Sciences Bureau (MGB) sa Rehiyon IX nga mahatagan ug kopya sa nasangpit nga permit nga gi-isyu sa maong ahensya ngadto sa dakbayan sa Dipolog.

Ang Philippine Red Cross - Zamboanga del Norte Chapter mopasiugda na usab sa lima ka adlaw nga Summer Safety Training 2013 nga pagasugdan karong Abril 15-19.

Padayong gihimo karon sa Provincial Health Office (PHO)  ang pag-monitor sa kabarangayan ning lalawigan aron sa pagpakgang sa sakit nga meningo diin mikalas na ug usa ka kinabuhi sa usa ka magtutungha sa Dipolog Pilot Demonstration School sa miaging bulan niining tuiga.