|
|
|
Katipunan Mayor Eguia nakadayeg sa hinanaling aksyon ni Gov. Yebes sa mga biktima sa Bagyong Gener By: Rose Anne C. Icalina * Monday, August 06, 2012 Gikahimuot ni Mayor Crisostomo T. Eguia, Jr., ang pag-hatag sa hinanaling aksyon si Gov. Rolando Yebes ngadto sa mga biktima sa bagyong Gener nga mihapak sa kabay-bayonan sa Purok Corales ug Fishermen’s Village sa Brgy. Laoy, Olingan ning dakbayan sa Dipolog ug sa Purok 9 sa lungsod sa Katipunan diin daghanan nga mga pamilya ang naapektuhan niini ug nawad-an sa ilang panimalay ilabi na sa ilang panginabuhi. Mao kini ang reaksyon ni Mayor Eguia atul sa gipahigayon nga Tabang ni Lando sa Comunidad (TLC) sa Brgy. Laoy, Olingan nga mipadangat sa mga serbisyo ngadto sa mga biktima sa bagyo. Niini, napahimuslan sa katawhan ang libreng bugas nga giapod-apod sa Provincial Social Welfare and Development Office (PSWDO), serbisyong medical sa Provincial Health Office ug pagpang-alot sa Youth Enhancement Support (YES). Dugang pa sa mayor nga aduna gayu’y plano ug maayong pangandoy ang gobernador sa katawhan sa Zamboanga del Norte gumikan kay andam kining motabang sa mga nanginahanglan ug daghang programa ang giimplemntar alang sa kaayuhan sa katawhan. Subay niini, gidasig usab ni Mayor Eguia ang iyang mga katagilungsod nga ipadayon ang panaghiusa ug pagtinabangay aron makab-ot ang kaayuhan sa matag pamilya ilabi na atul nga adunay katalagman. Dugang pa sa mayor nga aduna gayu’y plano ug maayong pangandoy ang gobernador sa katawhan sa Zamboanga del Norte gumikan kay andam kining motabang sa mga nanginahanglan ug daghang programa ang giimplemntar alang sa kaayuhan sa katawhan. |
| < Prev | Next > |
|---|