|
|
|
320 ka bubong naapektuhan sa bagyong Gener By: mbmontederamos * Monday, August 06, 2012 Sa gihimong paghatag ug ayuda sa kagamhanang probinsyal alang sa mga biktima sa baha ug bagyong Gener nasayran nga adunay 320 ka mga bubong ang naapektuhan sa maong bagyo. Taho gikan sa Provincial Risk Reduction and Management Council nagkanayon nga ang 320 ka mga bubong anaa sa Purok Fishermen’s Village ug Corales sa Laoy Olingan, dakbayan sa Dipolog, ug sa Purok 9 sakop na sa lungsod sa Katipunan, diin adunay upat ka balay ang maayong pagkaguba ug siyam ngadto sa 12 ka mga balay lakip na usab ang ilang kapilya, day care center, purok center ang naaapektuhan usab. Gihimo ang libreng konsultasyon, pagpang-ibot ug ngipon ug pagpanghatag ug tambal sa Provincial Health Office, pagpanghatag sa bugas ug sardinas pinaagi sa Provincial Social Welfare and Development Office, libreng pagpang-a lot sa “Pagwapo ni Lando” pinaagi na sa Youth Enhancement Support (YES). Si Ms. Sara Caingcay, 41 anyos, Purok Coordinator sa Corales, nagpasalamat ug dako ni Gov. Rolando Yebes nga wala sila pasagdahi sa ilang nahiaguman sa maong katalagman ug nakatagamtaman gilayon sila ug ayuda gikan sa kagamhanang probinsyal. Nasayran nga sa dihang gitawagan ni Mayor Eguia si Gov. Yebes kabahin sa maong hitabo, ang gobernador mimando gilayon sa mga hintungdan buhatan sa kagamhanang probinsyal sa paglugway ug ayuda sa mga biktima sa bagyo. Si Rodrigo Lacaya, Barangay Coordinator sa Lando-Bibo sa Olingan uban ni Konsehal Jerry Mutia, Francisca Maquiling ug Jaime Dangcalan nagpasalamat usab ug dako ni Gov. Yebes sa hinanaling tabang nga gilugway alang na sa mga biktima. Ang TLC gitambungan usab nila ni Mr. Jun-Jun Yebes, ang private secretary sa gobernador, Mr. Chaddy Yebes, Provincial Atty. Jesgal Sarmiento, Jr., ug uban pang kadagkuan ug kawani sa kagamhanang probinsyal. |
| < Prev | Next > |
|---|