|
|
|
DILG mihatag Seal of Good Housekeeping sa Zamboanga del Norte By: Rose Anne C. Icalina * Friday, September 07, 2012
“The Department of the Interior and Local Government confers this Seal of Good Housekeeping to the Province of Zamboanga del Norte for CY 2011 in recognition of its efforts in advancing the principles of accountability and transparency in local governance,” mao kini ang unod sa DILG Seal of Good Housekeeping nga gipirmahan ni Sec. Jesse M. Robredo. Ang maong pasidungog gidala ug gitunol ni DILG Division Chief Fiorello Elizaga, kauban si DILG Provincial Director Arnel Gudio, ngadto ni Gov. Yebes. Gihatagan ug dakong bili sa DILG ang maayong pagdumala sa kagamhanang probinsyal, ilabi na kalambigit ang accountability ug transparency pinaagi sa Full Disclosure Policy diha sa pagpatuman sa mga proyekto ug programa ilawom sa pamunoan sa gobernador. Nasayran nga ang lalawigan gipailawom sa makuti nga panginsusi subay sa mga daghanang sumbanan alang sa maong pag-ila ug pasidungog sa kagamhanang nasyonal. Kahinumduman nga sa tuig 2011 gipasidunggan usab sa kagamhanang nasyonal ang Zamboanga del Norte ubos ni Gov. Rolando Yebes, sa Gawad Pamana ng Lahi. Alang kini sa gipakita niining exemplary performance sa iyang pagdumala sa kagamhanan. Ang prestihiyosong pasidungog gipangunayan pagtunol ni Pres. Benigno “Noynoy” Aquino III ug ni kanhi DILG Sec. Jesse Robredo ngadto ni Gov. Yebes sulod sa Palasyo sa Malacañang.
Photos:    
|
Gihatag sa Department of Interior and Local Government (DILG) ang Seal of Good Housekeeping alang sa tuig 2011 ngadto sa Zamboanga del Norte ilawom sa administrasyon ni Gov. Rolando E. Yebes kaniadtong adlaw’ng Martes.
| < Prev | Next > |
|---|