Subay sa pagsaulog sa National Women’s Month, liboan ka mga kababayen-an ang naghugpong ug nagkahiusa sa gipahigayong Women’s Month Celebration Culminating Activity dili pa lamang dugay nga gipasiugdahan sa kagamhanang probinsyal pinaagi sa Provincial Social Welfare & Development Office (PSWDO) sulod sa bag-ong ZaNorte Cultural and Sports Center.

Mapasigarbuhon nga gipalanog ni Gov. Rolando Yebes nga sulod sa siyam ka tuig nga pagdumala isip amahan sa probinsya, dul-an sa 6, 000 ka mga proyekto ang napatuman.

“Dili matukib sa mga pulong ang among pagpasalamat ngadto ni Governor Rolando Yebes sa pag-ila kanamu sa katilingban.”

Pormal nga gibuksan kaniadtong Sabado, Marso 23 niining tuiga ang Bayani Challenge 2013 sa Barangay Miatan ug Barangay San Antonio lungsod sa Katipunan ning lalawigan, ug motapos sa Marso 27.

Sa gihimong programa atul sa pagbukas sa maong kalihukan nga gipahigayon sulod sa Katipunan Gym, si Governor Rolando Yebes sa iyang mensahe ang nag-awhag sa mga katawhan ilabi na sa mga kabatan-onan nga volunteers nga maghiusa alang sa maong katuyuan, ug matisok unta sa mga kasingkasing sa mga kabataan ang ilang obligasyon o responsibilidad sa ilang isig-katawo sa probinsya sa Zamboanga del Norte.

Sa pag-obserbar sa Worldwide Coastal Clean Up Day,  Marso 24, niining tuiga, gihimo sa kagamhanang probinsyal pinaagi sa ZaNorte Environment and Management Office (ZANEMO) ang pagpanglimpyo sa 18 ka coastal municipalities sa Zamboanga del Norte.

Isip pag-obserbar sa International Day of Forests kagahapong adlawa, gihimo ang tree planting sa mga hepe ug kawani sa kagamhanang probinsyal sa pagpangulo ni Gov. Rolando Yebes  nga gipahigayon sa Subanen Village, Barangay Miatan, lungsod sa Katipunan.

Sa pagsanong sa hangyo ni Mayor Crisostomo Eguia, Jr. sa lungsod sa Katipunan, hingpit nga gidawat ni Governor Rolando Yebes ug sa kagamhanang probinsyal ang hagit sa Bayani Challenge 2013 nga ipahigayon sa Barangay Miatan ug Barangay San Antonio, sa maong lungsod ning lalawigan. Dungan kini nga ipahigayon sa 34 ka probinsya sa tibuok nasud,  karong Marso 23-27 niining tuiga.