“Dili matukib sa mga pulong ang among pagpasalamat ngadto ni Governor Rolando Yebes sa pag-ila kanamu sa katilingban.”

Pormal nga gibuksan kaniadtong Sabado, Marso 23 niining tuiga ang Bayani Challenge 2013 sa Barangay Miatan ug Barangay San Antonio lungsod sa Katipunan ning lalawigan, ug motapos sa Marso 27.

Sa gihimong programa atul sa pagbukas sa maong kalihukan nga gipahigayon sulod sa Katipunan Gym, si Governor Rolando Yebes sa iyang mensahe ang nag-awhag sa mga katawhan ilabi na sa mga kabatan-onan nga volunteers nga maghiusa alang sa maong katuyuan, ug matisok unta sa mga kasingkasing sa mga kabataan ang ilang obligasyon o responsibilidad sa ilang isig-katawo sa probinsya sa Zamboanga del Norte.

Sa pag-obserbar sa Worldwide Coastal Clean Up Day,  Marso 24, niining tuiga, gihimo sa kagamhanang probinsyal pinaagi sa ZaNorte Environment and Management Office (ZANEMO) ang pagpanglimpyo sa 18 ka coastal municipalities sa Zamboanga del Norte.

Isip pag-obserbar sa International Day of Forests kagahapong adlawa, gihimo ang tree planting sa mga hepe ug kawani sa kagamhanang probinsyal sa pagpangulo ni Gov. Rolando Yebes  nga gipahigayon sa Subanen Village, Barangay Miatan, lungsod sa Katipunan.

Sa pagsanong sa hangyo ni Mayor Crisostomo Eguia, Jr. sa lungsod sa Katipunan, hingpit nga gidawat ni Governor Rolando Yebes ug sa kagamhanang probinsyal ang hagit sa Bayani Challenge 2013 nga ipahigayon sa Barangay Miatan ug Barangay San Antonio, sa maong lungsod ning lalawigan. Dungan kini nga ipahigayon sa 34 ka probinsya sa tibuok nasud,  karong Marso 23-27 niining tuiga.

Ang Professional Regulation Commission (PRC) mopahigayon sa Mobile Special Renewal of Licenses, Registration ug Processing of Board Examination Application Abril 20 ug 21 ning tuiga, sa 2^nd Floor  sa Zamboanga del Norte Convention and Exhibition Center. Kini magasugod sa alas 8:00 ang takna sa buntag hangtud na sa alas 5:00 ang takna sa hapon.

Wa’y hunong ang paghatud sa serbisyo sa Tabang ni Lando sa Communidad (TLC) Medical ug Dental Outreach diin ang mga lumulopyo na usab sa Barangay Gulayon sakop sa dakbayan sa Dipolog ang nakapahimulos niini nga gihimo didto sa may Purok Balabag sa naasoy’ng barangay niadtong adlawa’ng Biyernes kon Marso 8 ning tuig.