Gawas sa mga social services sama sa programa sa maayong panglawas ug uban pa, napahimuslan usab sa katawhan sa Brgy. Barra ning dakbayan sa Dipolog ang proyektong infrastraktura gikan sa kagamhanang probinsyal ilawom sa pagdumala ni Gov. Rolando Yebes.

Sa tuyo nga makabaton ug kahibalo ug kasayuran kalabot na sa issuance sa Industrial Sand & Gravel Permit,  mipasar ug resolusyon ang Sangguniang Panlalawigan nga naghangyo sa Mines & Geo-Sciences Bureau (MGB) sa Rehiyon IX nga mahatagan ug kopya sa nasangpit nga permit nga gi-isyu sa maong ahensya ngadto sa dakbayan sa Dipolog.

Ang Philippine Red Cross - Zamboanga del Norte Chapter mopasiugda na usab sa lima ka adlaw nga Summer Safety Training 2013 nga pagasugdan karong Abril 15-19.

Padayong gihimo karon sa Provincial Health Office (PHO)  ang pag-monitor sa kabarangayan ning lalawigan aron sa pagpakgang sa sakit nga meningo diin mikalas na ug usa ka kinabuhi sa usa ka magtutungha sa Dipolog Pilot Demonstration School sa miaging bulan niining tuiga.

Dako ang pagpasalamat ni Jeany Arantao, inahan sa 2-anyos nga bata nga aksidenteng nakatulon sa usa ka peso, ngadto nila ni Chady ug Jun-Jun Yebes, parehong anak ni Gov. Rolando Yebes, tungod sa ilang ayuda aron maoperahan ang iyang anak.