Ang Barangay Newly- Elected Officials o BNEO Program sa tuig 2010, nagpatuman ug mga balaodnon ug tamdanan nga pagasundon sa mga opisyales niini pinasikad sa Memorandum Circular 2011-14 sa Department of Interior and Local Government (DILG).

Ang BNEO Program usa sa mga programa sa  DILG ug Local Government Academy tipik sa ilang padayong paningkamot aron mapalig-on ang kahanas sa mga opisyales sa barangay sa pagpatuman sa ilang mga tahas ug responsibilidad sama sa pag-gama ug mga polisiya ug mga programa, ug aron usab mapalapdan pa ang serbisyo alang sa mga katawhan sa ilang barangay.

Ang National Council on Disability Affairs nag-awhag sa League of Municipalities of the Philippines pinaagi sa ilang presidente nga si Hon. Strike Revilla,  ug kasamtangang mayor sa Bacoor, Cavite, sa pagsuporta sa gipatuman  nga Republic Act No. 10070 kon “An  Act  Establishing  An   Institutional  Mechanism  to  Ensure  the Implementation of programs and services for persons with disabilities in every province, city and municipality, amending Republic Act No. 7277, otherwise known as the “magna carta for disabled persons”, as amended, and for other purposes.”

Kini pinasikad sa memorandum circular no. 003-2011 pinirmahan ni Chief Administrative Officer Mr. Andres Rhudy Ravelo inabagan sa Social Development Committee of the United Nations Economic and Social Commission for Asia and the Pacific kon UNESCAP.

Gimanduan usab ang Department of Interior and Local Government kon DILG sa pagpasa ani nga memorandum sa mga Local Government Units alang sa pagtabang sa mga disabled persons  aron magahinan ug pondo sa gobyerno.

Adunay 23 ka mga miembro sa Alpha Phi Omega International Service Fraternity and Sorority Dipolog – Dapitan - Zanorte Alumni Association, ang nahimong mga bayane human boluntaryong mi- donar sa ilang dugo sa gipahigayong APO-blood donation campaign atol sa pagsaulog sa ika 61^st APO-Philippines Founding Anniversary, March 2, 2011 didto sa Plaza Magsaysay ning dakbayan sa Dipolog.

Ang maong kalihukan inabagan sa Philippine National Red Cross – Zamboanga del Norte Chapter Pinangulohan ni Mr. Joshua Bicoy, Chapter Administrator, Mr. Paul Lee og Jan Michael de Jesus, chapter service representative safety services, isip maoy  mihimo  sa mga pagbansay-bansay mahitungod sa disaster response kong unsaon paggamit ang hinanaling pagtabang sa tawo kong kini makahinagbo sa kalit nga katalagman.

Nakahilak  sa tumang kalipay ang usa ka coach human migulang mananaug ang iyang estudyante  sa Bacong National High School (BNHS) sa lungsod sa Salug atul sa gihimong Health Quiz Road Show, Provincial Finals kagahapong adlawa, Marso 2 ning tuiga nga gipahigayon sa Zanorte Convention and Exhibition Center.

Ang maong magtutungha mao si Ma. Diofel L. Lacaya nga ubos sa pagbansay sa iyang coach nga si Mrs. Eudila Hechanova.

Si Lacaya nakadawat sa premyo nga 20 mil ka pesos isip educational assistance gikan kang 3^rd District Represenative Cong. Cesar Jalosjo,  usa ka laptop computer ug smart broadband kit.

Dili usab matukib ang gibati nga kalipay sa principal sa  Bacong National High School human  kini nakadawat ug  usa ka desktop computer isip mananaug nga tulunghaan.

Nasayran nga kulbahinam ang pagkadaug ni Lacaya human kini midaug sa tie breaking question batok kang  Rene Boy Panglima sa  Langatian National High School.

Aron mahatagan ug dugang kahibalo ang mga Local Government Units ning probinsya kabahin sa paghimo ug project proposal, ang alyansang Dipolog, Dapitan, Polanco, Katipunan, Roxas ug Manukan o DDPKaRoMa mopahigayon ug “Trainor’s Training on Advanced Feasibility Study Preparation karong Marso 2-4 ning tuiga sa Dakak Park & Beach Resort, Dapitan City.

Sa pagpakighinabi ni DDPKaRoMa Technical Staff Mr. Ching Porlas, usa sa mga pinasidunggang mamumulong mao si Mr. Efren Carreon, Asst. Regional Director sa National Economic Development Authority o NEDA sa Cebu City.

Gipahibalo sa National Youth Commission kon NYC, nga andam na usab sila mudawat ug bag-ong partisipante alang na sa 38^th Ship for South East Asian Youth Program.

Sa sulat nga gipadala ni Undersecretary Chairperson and CEO Christopher Lawrence S. Arnuco ngadto ni Gov. Rolando Yebes, ang maong organisasyon nagtinguha nga mapalambo ang relasyon ug pakighimamat sa mga partisipante ug makabaton ug mutual cooperation atol sa pagkauban sa pagsakay sa luxury ship nga mubisita sa mga nasud ug makaapil sa mga kalihokan sama sa mga institutional visits ug goodwill exchange sa mga local youth.

Dugang pa niya nga ang Ship for South East Asian Youth Program usa ka tinuig nga cultural exchange program tali sa Youth Association in South East Asian Nations member states ug sa Japan nga gidumala sa Japanese Cabinet Office.

Aron mahatagan ug dugang kahibalo sa pagbudget ug saktong paggamit sa pondo nga gigahin sa gobyerno alang sa mga health programs, ang Provincial Health Office ilawom sa administrasyon ni Gov. Rolando Yebes gipahigayon ang duha ka adlaw nga orientation sa Public Finance Management  ug Local Health Accounts nga gisugdan kaniadtong Myerkules, Pebrero 23-24 niining tuiga sa Zamboanga del Norte Exhibition and Convention Center.

Ang maong kalihokan gitambongan sa mga budget officers, accountants, planning officers ug head sa Rural Health Units sa mga lungsod ning probinsya.

Sumala pa ni Provincial Health Officer Dr. Eduardo Luayon, sa administrasyon lamang ni Gov. Yebes nahitabo nga anaay mga foreign stakeholders nga mihatag ug dugang pondo alang sa mga programa sa maayong panglawas ning probinsya ug usa na niini ang European Commission.